عطني الدفتر بسجل على خده سلام = وانسبه للاد صامل عريبين الجدود
بعد ذكر الله بسجل تحية واحترام= للرجال اللي لهم في علاوى المجد زود
ياهلا الطولات والنور جلاي الظلام= جعلكم دايم لنا يرفاقه في الوجود
ياطويلين اليماني رفيعين المقام = لو بعدد طيبكم ماقدرت احص البنود
تاخذون من المراجل مقدمت السنام = مدحكم يرقابه الشاعر الهاوي سنود
الكرم فيكم طبيعه مثل طبع الكرام= ياهل رباعن يقدم بها ضان وقعود
ورعكم يعرف هلا مرحبا قبل الفطام = ياطحاطيح النشاما ويا ذخر الفهود
ربعتن من لابت سبيع لاباح الكلام = يحتمون الموقف اللي تكانفه الاسود
لابتن تاريخها مايغطيه العسام = ماعلي من المنافق ولا الوجه الجحود
دون نقص في القبايل مروين السهام = وارثين الطيب والمجد من عاد وثمود
ذا كلامي والتحيات هي ازكى الختام = بادين بالرجم والعود في عين الحسود
العضو الأكثر نشاطاً هذا اليوم 
ياطحاطيح النشاما ويا ذخر الفهود
العرض العادي
